კონფიდენციალურობის პოლიტიკა

ვებ-გვერდზე შემოსვლის დროს, შპს „ელგრო მოტორსი“ (შემდგომში – ელგრო მოტორსი/ჩვენ), სისტემა ავტომატურად აფასებს ამ ვებ-გვერდზე თქვენს (მომხმარებელთა) ვიზიტს და იმ ინტერესებს, რომელსაც ჩვენს ვებ-გვერდზე ყოფნისას ჩვენი სერვისებისა და პროდუქტების მიმართ იჩენთ.

ჩვენს ვებ-გვერდზე თქვენი სტუმრობის განმავლობაში და შემდგომში, თქვენს შესახებ შეგროვებულ, დამუშავებულ ან/და გამოყენებულ პერსონალურ ინფორმაციას მუდმივ რეჟიმში ვუფრთხილდებით და ვიცავთ.

ვებ-გვერდით სარგებლობისას პერსონალური მონაცემების დამუშავების პირობები განსაზღვრულია წინამდებარე კონფიდენციალურობის პოლიტიკითა და პერსონალურ მონაცემთა დაცვის პოლიტიკით, რომელიც თავის მხრივ, შემუშავებულია საქართველოს მოქმედი კანონმდებლობის შესაბამისად.

თანხმობა კონფიდენციალურობის პოლიტიკაზე

გაითვალისწინეთ, რომ ვებ-გვერდზე შემოსვლით თქვენ ეთანხმებით წინამდებარე კონფიდენციალურობის პოლიტიკას. თუ თქვენ არ ეთანხმებით წინამდებარე პოლიტიკას, არ განაგრძოთ ვებ-გვერდის მომდევნო გვერდებით სარგებლობა, წინააღმდეგ შემთხვევაში, ჩაითვლება, რომ თქვენ დაადასტურეთ და დაეთანხმეთ ვებ-გვერდზე განთავსებულ პოლიტიკას.

მომხმარებლის თანხმობის საფუძველზე, კომპანიამ შესაძლოა მონაცემები დაამუშაოს ყველა იმ სხვა კანონიერი მიზნისთვის, რომელზეც მომხმარებელმა სათანადო ინფორმაციის მიღების შემდგომ თანხმობა განაცხადა.

წინამდებარე პოლიტიკა, შესაძლოა, დროდადრო განახლდეს. აქედან გამომდინარე, გთხოვთ, გაეცანით მას რეგულარულად. იმისათვის, რომ მოიძიოთ ინფორმაცია, თუ ბოლოს როდის განახლდა კონფიდენციალურობის პოლიტიკა, იხილეთ დოკუმენტის ბოლო აბზაცი.

რა მიზანს ემსახურება წინამდებარე პოლიტიკა და რა არის მისი მოქმედების სფერო?

ჩვენთვის მნიშვნელოვანია იმ პირების პერსონალური მონაცემების დაცვა, რომლებიც სარგებლობენ ჩვენი ვებ-გვერდით. შესაბამისად, შევიმუშავეთ წინამდებარე პოლიტიკა იმისათვის, რომ მომხმარებლებმა გამოარკვიონ თუ როგორ და რა სახის ინფორმაცია შეგროვდება ვებ-გვერედის გამოყენების დროს და რა მიზეზით შესაძლოა შევაგროვოთ, გადავცეთ ან/და სხვაგვარად ხელმისაწვდომი გავხადოთ აღნიშნული მონაცემები. ელგრო მოტორსი, ასევე, იღებს ყველა შესაძლო გონივრულ ზომას, რომელიც თქვენი მონაცემების უსაფრთხოების დასაცვად არის აუცილებელი და მიზანშეწონილი.

კონფიდენციალურობის პოლიტიკა ვრცელდება ყველა სახის ინფორმაციაზე, რომელსაც ელგრო მოტორსი მოიპოვებს თქვენ მიერ ვებ-გვერდის გამოყენების შედეგად. გაითვალისწინეთ, რომ წინამდებარე პოლიტიკა არ ვრცელდება მესამე პირების იმ ვებ-გვერდებზე/აპლიკაციებზე, რომლებიც არ არიან ელგრო მოტორსთან აფილირებული პირები, თუმცა, ასეთ ვებ-გვერდებთან/აპლიკაციებთან კავშირი ჩვენი ვებ-გვერდის საშუალებით არის შესაძლებელი. ასეთი ვებ-გვერდების გამოყენების შემთხვევაში, გირჩევთ, გაეცნოთ მათ კონფიდენციალურობის პოლიტიკას, რადგანაც ელგრო მოტორსს არ აქვს გავლენა მესამე პირების ვებ-გვერდების შემცველ მასალებზე და მათი კონფიდენციალურობის დაცვის პრაქტიკასა თუ პოლიტიკაზე, შესაბამისად, ის ვერ იქნება პასუხისმგებელი მათ ქმედებებზე.

წინამდებარე პოლიტიკის პირობები ეხება მხოლოდ ელგრო მოტორსთან თქვენი სახელშეკრულებო ურთიერთობის ფარგლებში გაფორმებულ ნებისმიერ დამატებით განაცხადს ან/და სახელშეკრულებო პირობას (ასეთის არსებობის შემთხვევაში) და სხვა და ნებისმიერ სავალდებულო ძალის მქონე მოქმედ კანონს ან/და რეგულაციას.

რა ინფორმაციას ვაგროვებთ თქვენგან და რა მიზნით?

როდესაც თქვენ სტუმრობთ ჩვენს ვებ-გვერდს, ჩვენი სერვერი ავტომატურად იწერს დეტალებს თქვენი ვიზიტის შესახებ (მაგ: შეზღუდვის გარეშე, თქვენი IP მისამართი, ვებ-გვერდი, რომლიდანაც ჩვენს ვებ-გვერდს ესტუმრეთ, ვიზიტის დროს გამოყენებული ინტერნეტ-ბრაუზერის ტიპი, მოწყობილობის ტიპი რომელშიც აღნიშნული ბრაუზერია განთავსებული, ელგრო მოტორსის ვებ-გვერდის ის კონკრეტული გვერდები, რომლებსაც ესტუმრეთ, ვებ-გვერდზე თქვენი სტუმრობის თარიღი, ხანგრძლივობა და სხვა). დამატებით, ჩვენ ვაგროვებთ პერსონალურ მონაცემებს, რომელსაც თქვენ გვაწვდით ელგრო მოტორსის ვებ-გვერდის მეშვეობით, მაგალითად, როდესაც შეგყავთ პერსონალური მონაცემები (სახელი, გვარი, სქესი, მისამართი, ელ-ფოსტის მისამართი, ტელეფონის ნომერი და სხვა) ვებ-გვერდის სარეგისტრაციო გვერდზე ან მაშინ, როდესაც ჩვენს ვებ-გვერდზე სიახლეების მისაღებად რეგისტრირდებით, ან რომელსაც გვაწვდიან ისეთი მესამე პირები, რომელთა კლიენტიც/აბონენტიც თქვენ ბრძანდებით.

თქვენი პერსონალური მონაცემები შესაძლოა დამუშავდეს, მათ შორის, შემდეგი მიზნით:

• ვებ-გვერდის ტექნიკური ადმინისტრირების, მისი კვლევისა და განვითარების მიზნებისათვის;
• მომხმარებლებისათვის/პოტენციური მომხმარებლებისათვის სათანადო მომსახურების შეთავაზებისთვის;
• მომსახურების ხარისხის გაუმჯობესებისათვის;
• ჩვენ მიერ ნაკისრი ვალდებულებების ჯეროვნად შესრულებისათვის;
• მომხმარებელთან ეფექტური კომუნიკაციისათვის;
• მომსახურების ხარისხის უზრუნველყოფისათვის;
• მომხმარებლის მიერ ვებგვერდზე გამოვლენილი აქტივობების მონიტორინგისთვის;
• ადმინისტრირებისა და მარკეტინგული მიზნებისათვის;
• ელგრო მოტორსის სხვა ელექტრონულ არხებთან მიმართებით, ზემოხსენებული მიზნებისთვის;
• ჩვენი სერვისებისა და პროდუქტების შესახებ თქვენთვის ინფორმაციის მოწოდებისთვის და
• წინამდებარე პოლიტიკით განსაზღვრული სხვა შემთხვევებისთვის.

ვიდეომეთვალყურებობა და აუდიო ჩაწერა

უსაფრთხოების, საკუთრებისა და კონფიდენციალური ინფორმაციის დაცვის მიზნებიდან გამომდინარე, ასევე, მომსახურების ხარისხის კონტროლის უზრუნველსაყოფად, „პერსონალურ მონაცემთა დაცვის შესახებ“ საქართველოს კანონით დადგენილი მოთხოვნების დაცვით, ელგრო მოტორსში მიმდინარეობს შენობ(ებ)ის გარე პერიმეტრისა და შესასვლელ(ებ)ის, სამუშაო ადგილ(ებ)ის მონიტორინგი ვიდეომეთვალყურეობის სისტემ(ებ)ის მეშვეობით. ხოლო აუდიო ჩაწერა მიმდინარეობს ელგრო მოტორსთან სატელეფონო კომუნიკაციისას.

ელგრო მოტორსის მომსახურების წერტილებში, აგრეთვე ელგრო მოტორსთან კომუნიკაციისას ვიდეოთვალთვალისა და აუდიო ჩაწერის მიმდინარეობის შესახებ მონაცემთა სუბიექტი ინფორმირებული იქნება შესაბამისი ფორმით. მონაცემთა სუბიექტი, აცნობიერებს რა ვიდეოთვალთვალის და აუდიო ჩაწერის აუცილებლობას, თანხმობას გამოთქვამს აღნიშნული მონაცემების დამუშავებაზე.

ჩანაწერები ინახება ზემოაღნიშნული კანონიერი მიზნების მისაღწევად აუცილებელი და გონივრული ვადით. ზემოაღნიშული მიზნების მიღწევის შემდეგ ჩანაწერები იშლება, გარდა იმ შემთხვევისა, თუ მათი შენახვა განსაზღვრულია კანონმდებლობით.

პერსონალური მონაცემების დამუშავების სამართლებრივი საფუძველია:

• მომხმარებლის თანხმობა – როდესაც თქვენ ნებაყოფლობით გვაწვდით ინფორმაციას, მაგალითად, რეგისტრაციისას ან/და სიახლეებზე გამოწერისას;
• ხელშეკრულების შესრულება ან ხელშეკრულების დადებამდე შესაბამისი ქმედებების განხორციელება – თუ მონაცემთა დამუშავება საჭიროა, რათა უზრუნველვყოთ მომსახურების გაწევა ან რეაგირება მოვახდინოთ თქვენს მოთხოვნებზე;
• სამართლებრივი ვალდებულების შესრულება – თუ მონაცემთა დამუშავება აუცილებელია საქართველოს მოქმედი კანონმდებლობით გათვალისწინებული ვალდებულებების შესასრულებლად;
• ჩვენი ლეგიტიმური ინტერესები – მონაცემთა დამუშავება აუცილებელია ჩვენი მომსახურების განხორციელებისა და მისი გაუმჯობესებისთვის, ტექნიკური უსაფრთხოების უზრუნველყოფისა და თაღლითობის პრევენციის მიზნით, იმ პირობით, რომ თქვენი უფლებები და თავისუფლებები არ ირღვევა.

ვინ ახორციელებს მონაცემთა დამუშავებას?

ელგრო მოტორსი (შპს ელგრო მოტორსი, საიდენტიფიკაციო კოდი: 205295278) წარმოადგენს პერსონალურ მონაცემთა დაცვაზე პასუხისმგებელ პირს იმ მონაცემებთან მიმართებით, რომლებიც შეგროვდა ვებ-გვერდის მეშვეობით.შესაძლოა, კონკრეტულ შემთხვევებში მონაცემების დამუშავებაში მონაწილეობდნენ მონაცემთა დამმუშავებლები, რომლებიც ჩვენი დავალებით და ჩვენს სახელით ახორციელებენ ტექნიკურ მომსახურებას (მაგალითად: ჰოსტინგი, ანალიტიკა, ელ.ფოსტის სისტემები და ა.შ.).

ელგრო მოტორსი იცავს პერსონალურ მონაცემთა დაცვის თაობაზე საქართველოში არსებულ ყველა მოქმედ კანონს და რეგულაციას.

როგორ ვაგროვებთ და ვინახავთ ინფორმაციას თქვენ შესახებ?

ელგრო მოტორსი იყენებს მზა ჩანაწერებს (cookies) ან/და თეგებს იმისთვის, რომ შევაგროვოთ ზემოაღნიშნული ინფორმაცია (იხილეთ: რა ინფორმაციას ვაგროვებთ თქვენგან და რა მიზნით?) და გავიგოთ, თუ როგორ იყენებენ მომხმარებლები თუ ვიზიტორები ჩვენს ვებ-გვერდს.

ჩვენ ვცდილობთ ჩვენს ვებ-გვერდზე ყოფნისას მუდმივად გაგიუმჯობესოთ მომსახურების ხარისხი და გამოცდილება და დავიცვათ თქვენი უსაფრთხოება. მზა ჩანაწერები გამოიყენება ვებ-გვერდითა და სხვა დისტანციური პლატფორმებით სარგებლობისას თქვენი გამოცდილების პერსონალიზირების, გაუმჯობესების და უსაფრთხოების დაცვის მიზნით. კერძოდ, ნავიგაციის გამარტივების, ინფორმაციის სასურველი ფორმატით შეთავაზების, ძებნის პარამეტრების გაუმჯობესების, მომხმარებლის უსაფრთხო ავტორიზაციის, მარკეტინგის, ვებ-გვერდების დიზაინის ოპტიმიზაციისა და მომხმარებლისთვის უკეთესად ადაპტირების მიზნებით.

გაითვალისწინეთ, რომ მზა ჩანაწერების შენახვით, ისინი, ასევე, ვრცელდება ელგრო მოტორსის ვებ-გვერდზე თქვენს სამომავლო ვიზიტებზეც, თუმცა, ეს გარანტირებული არ არის.

ხშირ შემთხვევაში, თქვენ შეგიძლიათ თქვენი ინტერნეტ-ბრაუზერით თეგების კონტროლი. გთხოვთ, დარწმუნდეთ რომ თქვენი ინტერნეტ-ბრაუზერი ასახავს თქვენს სურვილებს.

გაითვალისწინეთ ისიც, რომ თრექინგ ტექნოლოგიების გამოყენებაზე უარის თქმამ ან მათმა დეაქტივაციამ შესაძლოა უარყოფითი გავლენა იქონიოს ელგრო მოტორსის ვებ-გვერდის ან მისი სხვადასხვა ნაწილების მიერ შემოთავაზებული სერვისების ხელმისაწვდომობაზე და მათ გამართულად ფუნქციონირებაზე.

თქვენ გაქვთ შესაძლებლობა დაეთანხმოთ/არ დაეთანხმოთ მზა ჩანაწერების გამოყენებას ან/და მართოთ თქვენი სურვილის შესაბამისად მზა ჩანაწერების გამოყენების მიზნობრიობა (მაგალითად, თქვენ შეგიძლიათ, არ დაეთანხმოთ მზა ჩანაწერების გამოყენებას ანალიტიკური ან/და მარკეტინგული მიზნებით).

ვის გადავცემთ თქვენზე შეგროვებულ ინფორმაციას?

ზემოაღნიშნული მიზნების მისაღწევად ელგრო მოტორსმა შესაძლოა თქვენი ინფორმაცია გადასცეს მასთან აფილირებულ პირებს, მის ან მისი აფილირებული პირების აგენტებს, ელგრო მოტორსისთვის სერვისის მომწოდებელ მესამე პირებს ან/და პერსონალურ მონაცემთა დაცვის პოლიტიკის მე-16 მუხლით განსაზღვრულ პირებს. ჩვენთან აფილირებული პირები, აგენტები და სერვისის მომწოდებელი მესამე პირები, რომლებსაც ელგრო მოტორსის ვებ-გვერდის მეშვეობით მოპოვებულ თქვენს პერსონალურ მონაცემებზე წვდომა აქვთ, ვალდებულნი არიან დაიცვან კონფიდენციალურობა საქართველოს მოქმედი კანონმდებლობის შესაბამისად.

გაითვალისწინეთ, რომ, როდესაც ვახდენთ პერსონალური მონაცემების საერთაშორისო ტრანსფერს, ჩვენ ვრწმუნდებით ვართ თუ არა მოქმედ კანონმდებლობასთან და რეგულაციებთან შესაბამისობაში, მაგალითად, ვაფორმებთ შესაბამის ხელშეკრულებებს იმ პირებთან, რომლებიც თქვენს პერსონალურ მონაცემებს ჩვენგან იღებენ, რათა მათ უზრუნველყონ ამ მონაცემების ადეკვატური დაცვა. ასევე, ჩვენ მიერ თქვენი ინფორმაცია შესაძლოა გადაეცეს სახელმწიფო ორგანოებს ან ერთეულებს, მარეგულირებელ ორგანოებს ან ნებისმიერ სხვა პირს, მოქმედი კანონმდებლობის, რეგულაციების, სასამართლო განჩინების ან ოფიციალური მოთხოვნის, სახელმწიფო მარეგულირებელი ორგანოს გამოცემული ინსტრუქციის საფუძველზე და მიზნების შესაბამისად ან მოქმედი კანონმდებლობის საფუძველზე წარმართული ნებისმიერი მსგავსი პროცესის ფარგლებში.

გარდა ზემოაღნიშნულისა, პერსონალური მონაცემების გადაცემა/გამჟღავნება მესამე პირებისთვის, შესაძლოა საჭირო გახდეს კანონმდებლობით პირდაპირ გათვალისწინებულ შეთხვევებში ან მომხმარებელთან გაფორმებული ხელშეკრულებით გათვალისწინებულ ფარგლებში. აქედან გამომდინარე, გარკვეული კატეგორიის პერსონალური მონაცემების მიმღები შესაძლოა იყოს სამართალდამცავი ორგანოები ან/და ადგილობრივი სახელმწიფო ორგანიზაციები.

უსაფრთხოების რა ზომები დავნერგეთ ვებ-გვერდის მეშვეობით მოპოვებული თქვენი ინფორმაციის დასაცავად?

ელგრო მოტორსმა მოახდინა მისთვის ხელმისაწვდომი ყველა გონივრული ტექნიკური და ორგანიზაციული უსაფრთხოების ზომის იმპლემენტაცია, იმისათვის, რომ ჩვენ მიერ ვებ-გვერდის მეშვეობით მოპოვებული თქვენი პერსონალური მონაცემები დაცული იყოს უნებართვო წვდომისგან, გამოყენებისგან, დაკარგვისგან ან/და განადგურებისგან.

ჩვენ ზრუნავთ თქვენი ინფორმაციის უსაფრთხოებასა და კონფიდენციალურობაზე, თუმცა, ვიხსნით პასუხისმგებლობას მესამე პირების მიერ ინფორმაციის არასანქცირებულ წვდომაზე ამ მონაცემების კომპანიისთვის მოწოდების დროს (მათ შორის, ინფორმაციის დისტანციურად მოწოდებისას).

ჩვენ გულისხმიერად ვეკიდებით თქვენი კონფიდენციალურობისა და მონაცემთა დაცვის უფლებებს და წინამდებარე პოლიტიკით განსაზღვრული შემთხვევების გარდა, თქვენ მონაცემებს გავამჟღავნებთ მხოლოდ იმ შემთხვევაში თუ ამას მოითხოვს კანონი, საზედამხედველო, მარეგულირებელი ან/და სამართალდამცავი ორგანოები, ან/და საკუთარი უფლებების ან სხვათა უფლებების დასაცავად და კანონმდებლობით გათვალისწინებულ სხვა შემთხვევებში.

როგორი პოლიტიკა გვაქვს ელექტონული შეტყობინებების შენახვასთან დაკავშირებით?

ელგრო მოტორსის მიერ და ელგრო მოტორსისთვის გაგზავნილ ყველა ელექტრონულ შეტყობინებას (SMS, მაილი და სხვა) სისტემა ავტომატურად ინახავს სპეციალური ელექტრონული ჟურნალის სისტემაში, რომელსაც გააჩნია სამართლებრივი მტკიცებულების ძალა. მათ ელგრო მოტორსი იცავს გონივრული ტექნიკური და შესაბამისი ორგანიზაციული ზომების გამოყენებით და მათთან წვდომა დასაშვებია მხოლოდ განსაზღვრულ შემთხვევებში, მხოლოდ მოქმედი კანონმდებლობის და რეგულაციების ზედმოწევნითი დაცვით უფლებამოსილი პირების მიერ.

მონაცემები ინახება მხოლოდ იმ პერიოდის განმავლობაში, რაც აუცილებელია მიზნის მისაღწევად, ან კანონით განსაზღვრული ვადის განმავლობაში.

რა უნდა გაითვალისწინოთ, როდესაც მონაცემებს ინტერნეტის მეშვეობით აგზავნით?

გასათვალისწინებელია ის გარემოება, რომ გავრცელებული მიდგომით ინტერნეტი არ წარმოადგენს დაცულ გარემოს და ინფორმაციაზე, რომელსაც ინტერნეტის მეშვეობით იგზავნება (მაგალითად ვებ-გვერდის ან ელექტრონული შეტყობინების სისტემის გამოყენებით) შესაძლოა არასანქცირებული წვდომა მოიპოვონ არაუფლებამოსილმა მესამე პირებმა, რამაც, შესაძლებელია, გამოიწვიოს ინფორმაციის გამჟღავნება, ინფორმაციის შემცველი მასალის ცვლილება ან/და სხვა ტექნიკური შეცდომა.

იმის მიუხედავად, იმყოფებიან თუ არა ინფორმაციის გამგზავნიც და მისი მიმღებიც ერთი და იმავე ქვეყანაში, ინტერნეტის მეშვეობით გაგზავნილი ინფორმაცია შესაძლოა გადაიცეს საერთაშორისო საზღვრების მიღმა და შესაძლებელია აღმოჩნდეს ისეთ ქვეყანაში, სადაც თქვენი ქვეყნისგან განსხვავებული (უფრო სუსტი/ძლიერი) მექანიზმები არსებობდეს პერსონალური მონაცემების დაცვისათვის.

გთხოვთ, გაითვალისწინოთ, რომ ჩვენ არ ვართ პასუხისმგებელი თქვენს შესახებ მოპოვებული ნებისმიერი ინფორმაციის უსაფრთხოებაზე იმ ეტაპზე, როდესაც ეს ინფორმაცია ინტერნეტის მეშვეობით ელგრო მოტორსისთვის გადაცემის ეტაპზე იმყოფება. იმისათვის, რომ დაიცვათ თქვენი მონაცემების კონფიდენციალურობა, გვსურს შეგახსენოთ, რომ თქვენ შეგიძლიათ ელგრო მოტორსთან კომუნიკაციისათვის აირჩიოთ ის მეთოდი, რომელსაც შესაფერისად მიიჩნევთ.

როგორია ჩვენი პოლიტიკა 18 წელს მიუღწეველი პირების შესახებ ინფორმაციის კონფიდენციალურობასთან დაკვაშირებით?

გაითვალისწინეთ, რომ ელგრო მოტორსი არ ემსახურება პირებს, რომელთაც 18 წლის ასაკისთვის არ მიუღწევიათ და შესაბამისად, ვებგერდი არ აგროვებს პერსონალურ მონაცემებს აღნიშნული პირებისგან. მოქმედი კანონმდებლობის შესაბამისად, ელგრო მოტორსისთვის ვებ-გვერდის მეშვეობით პერსონალური მონაცემების გადაცემამდე, 18 წელს მიუღწეველმა პირებმა უნდა მოიპოვონ ნებართვა მშობლებისგან ან კანონიერი წარმომადგენლებისგან.

როგორ შეგიძლიათ თქვენ პერსონალური მონაცემებზე წვდომა ან მათი გაცნობა?

საქართველოს მოქმედი კანონმდებლობით ან რეგულაციებით გათვალისწინებული წესით, თქვენ შეგიძლიათ:

• ნებისმიერ დროს გადაამოწმოთ ვინახავთ თუ არა თქვენს პერსონალურ მონაცემებს;
• გვთხოვოთ ჩვენთან დაცული თქვენი პერსონალური მონაცემების ასლის გადმოცემა;
• მოითხოვოთ ჩვენთან დაცული თქვენი პერსონალურ მონაცემებში უსწორობის აღმოფხვრა;
• მოითხოვოთ მონაცემთა დამუშავების დროებითი შეზღუდვა;
• მოითხოვოთ დამუშავების ნაწილობრივ/სრულად შეზღუდვა;
• მოითხოვოთ პერსონალურ მონაცემთა წაშლა.

თქვენი პერსონალური მონაცემების დამუშავებასთნ დაკავშირებული მოთხოვნების არსებობის შემთხვევაში, გთხოვთ გამოგვიგზავნოთ წერილი შემდეგ ელექტრონულ მისამართზე: —————-

ბოლო განახლების თარიღია 2026 წლის 1 ივლისი.