საგარანტიო პირობები

შპს ელგრო მოტორსი

საბურავების საგარანტიო პირობები

საბურავებზე ვრცელდება გარანტია 20 000 კმ-იან გარბენზე ან 1 (ერთი) წლის ვადით (რომელიც ადრე შესრულდება) შეძენის დღიდან.

ზაფხულის საბურავებზე გარანტია მოქმედებს იმ შემთხვევაში, თუ საბურავი ექსპლუატაციაში გამოყენებულია სწორად და არ გამოვლინდება ავტოსატრანსპორტო საშუალების ისეთი დეფექტი, რომელიც ხელს უშლის სატრანსპორტო საშუალების ნორმალურ ექსპლუატაციას.

გარანტია არ ვრცელდება იმ შემთხვევაში, თუ დაზიანება გამოწვეულია მექანიკური ზემოქმედებით, გადახურებით ან „დაბუქსავებით“, ტვირთამწეობის გადაჭარბებით, ბორდიურზე მიჯახებით, ჩარტყმით ან სხვა გარეგანი ფაქტორებით.

ზამთრის საბურავებზე გარანტია ვრცელდება იმ შემთხვევაში, თუ მყიდველი ყოველწლიურად, სეზონური ცვლილებისას, არაუგვიანეს 15 აპრილისა, კომპანიას წარუდგენს საბურავების შეცვლის დამადასტურებელ ინფორმაციას.

აღნიშნული მტკიცებულება უნდა მოიცავდეს:

• საბურავების ფოტოებს;
• ავტომობილის გარბენის (ოდომეტრის) ჩვენებას;
• მყიდველის პირადობის დამადასტურებელ დოკუმენტს.

ინფორმაცია უნდა გაიგზავნოს კომპანიის ელ. ფოსტაზე: info@elgromotors.ge ან პირად გაყიდვების მენეჯერთან.

დადგენილი ვადის დარღვევის შემთხვევაში, კერძოდ 15 აპრილის შემდეგ გაგზავნილი მტკიცებულება არ ჩაითვლება და გარანტია აღარ გავრცელდება.

გარანტია ვრცელდება მხოლოდ ერთ კონკრეტულ ავტოსატრანსპორტო საშუალებაზე და საბურავის სხვა ავტომობილზე გამოყენება დაუშვებელია, რაც იწვევს გარანტიის გაუქმებას.

ასევე, აუცილებელია საბურავების ექსპლუატაცია განხორციელდეს მწარმოებლისა და კომპანიის მიერ განსაზღვრული ნორმებისა და რეკომენდაციების სრული დაცვით.